ممكن ترتبطى بحد انتى عارفة انه مش هو ده فتى احلامك؟؟؟

باختصار شديد انا عندى مشكلة مش عارفة اتخذ قرار فيها يارب تقدروا تساعدونى
انا متقدملى واحد ابن صاحب بابا عقلى رافضه لانه مش ده اللى انا كنت رسماه لنفسى انا كنت بتمنى حد متدين اوى يتقى ربنا فيا ، مثقف ، بيشتغل فى مكان كويس عشان انا معايا بكالوريس تجارة انجليزى باختصار واحد ياخد بايدى دينيا واجتماعيا وثقافيا كل حاجة يعنى .......
فى نفس الوقت قلبى موافق مبدئيا لان شايفه طيبة وحنية فى عنييه ماشوفتهاش فى ولد قبل كده وده راى بابا واخواتى فيه برده عشان هما اتعاملوا معاه ، عارفة انه بيصلى مواظب على الصلاة بس مش متدين ، مش مثقف ، بابا بيقولى يجى منه وحتعرفى تشكلى زى ما انتى عاوزة وتخليه زى ما انتى بتحلمى.....
انا محتارة ومش عارفة اعمل ايه؟؟؟؟ اوافق واحاول معاه ؟؟؟ ولا ارفض واتمسك بالصورة اللى انا رسماها لنفسى؟؟؟؟
ارجوكم حد يفيدنى